Cuntinuvandu a navigazione nant'à stu situ, accetti l'utilizazione di cookies per megliurà a to sperienza utilizatore
FAQ
Eiu sò un utilizatore
1. Cumu sò valutate l'intraprese di Compru in Corsu ?
A squadra compru in corsu hà valutatu per voi l'impiegati di l'intraprese rifirenzate nant'à 4 criterii : - Asgiu à l'urale - Capiscitura di a lingua - Frequenza di l'usu - Vulintà di trasmette o amparà - A nota di l'impiegatu currisponde à a media di i 4 criterii - A nota di l'intrapresa currisponde à a media di tutti l'impiegati - L'utilizatori ponu dinù valutà l'intrapresa. E so note sò pigliate in contu in a valutazione glubale.
2. A chè mi ghjova st'appiegazione ?
Aghju a pussibilità di ritruvà una lista di i cummerci/intraprese cursòfuni è possu utilizà a lingua corsa di modu cutitianu !
3. Cume aghju da sapè sì u cummerciante hè capace à parlà mi in lingua corsa ?
Tutti l'impiegati sò valutati. À partesi di 3 stelle l'impiegatu serà in misura di capì a lingua corsa è di scambià cun voi. Quandu si vede stabilimentu "bislingu" vole dì ch'è vo pudete parlà corsu incù tutti l'impiegati !
4. Si pò valutà un cummerciu di manera più glubale ?
Hè pussibule di valutà un cummerciu nant'à 3 altri criterii è pudete lascià i vostri cummenti :
- Accogliu e dispunibilità
- Qualità di u serviziu
- Qualità / Prezzu
5. Quandu possu valutà un prufessiunale ?
Dopu à a visita d'un stabbilimentu o l'usu di i servizii d'un prufessiunale, aghju a pussibilità di valutà u cummerciante : - Dimensione linguistica : S'aghju parlatu in corsu cù u cummerciante o unu di i so impiecati, possu valutà di 0 à 5 stelle u gradu di cursofunia di l'intrapresa visitata. - Valutazione glubale : Mettu una nota annant'à l'aspettu glubale di u stabilimentu (qualità, accogliu, serviziu, prezzu...) U m'avisu/cummentu serà dinù impurtante è venerà à arricchisce a valutazione di u cummerciu visitatu permettendu à l'altri membri di a cumunità Compru in Corsu d'avè un avisu piu precisu annant'à u prufessiunale.
6. Quandu serà publicatu u mo avisu è a mo valutazione ?
Dopu à una verificazione di a Squadra Compru in Corsu chì a vostra valutazione pare ugettiva è chì u vostru cummentu ùn hè nè rozu nè grussulanu, u vostru avisu serà publicatu nant'à l'appiegazione è u situ Comrpu in Corsu. Tandu serà vistu da tutta a cumunità Compru in Corsu.
7. Cumu si pò creà un prufilu d'utilizatore ?
In a pagina principale ci hè l'uzzione "Cunnettesi" : Basta à cliccà è à seguità l'istruzzione. Pussibilità di creà un contu specificu cù un pseudo o d'arregistravvi incù u vostru prufilu Facebook.